လေ့ကျင့်သင်ကြားရေးနှင့် အမှတ်(၁) မြေတိုင်းဌာနခွဲ

လေ့ကျင့်သင်ကြားရေးနှင့် အမှတ်(၁) မြေတိုင်းဌာနခွဲ၊ အကြောင်းအရာ

နောက်ခံသမိုင်း လေ့ကျင့်သင်ကြားရေးနှင့် အမှတ် (၁) မြေတိုင်းဌာနခွဲအား လေ့ကျင့်သင်ကြားရေးဌာနစု၊ အမှတ်(၁)မြေတိုင်းဌာနစုဟူ သောဌာနစု(၂) ဖြင့်ဖွဲ့စည်းတည်ထောင် ထားပါသည်။
၁။ လေ့ကျင့်သင်ကြားရေးဌာနစု (မြန်မာနိုင်ငံမြေတိုင်းကျောင်း)၏ နောက်ခံသမိုင်း မြန်မာနိုင်ငံအား အင်္ဂလိပ်များသိမ်းပိုက်ခဲ့ပြီးနောက် ပထမကမ္ဘာစစ်ကြီးမဖြစ်မီက ကြေးတိုင်နှင့်မြေစာရင်းဌာနမှ ခရိုင် လယ်ဝန်သင်တန်းများအား အိန္ဒိယပြည် ( Dehradum ) ရှိ (Survey of India) မှ ဖွင့်လှစ်ထားသော မြေတိုင်းကျောင်း သို့ မြေတိုင်းပညာရပ်များကို သင်ကြားစေခဲ့ပါ သည်။ ပထမကမ္ဘာစစ်ကြီး ပြီးဆုံးပြီးနောက် ၁၉၁၈ ခုနှစ်တွင် မြန်မာနိုင်ငံမြေတိုင်းကျောင်းကို ကြေးတိုင်နှင့်မြေစာရင်းဦးစီး ဌာနမှ ဦးစီး၍ အထူးမြေတိုင်းကျောင်း (Special Survey) အမည်ဖြင့် ရန်ကုန်မြို့၊ ကမာရွတ်မြို့နယ်တွင် စတင်ဖွင့်လှစ်ပြီး လယ်ဝန်သင်တန်းများကို သင်ကြားပို့ချခဲ့ပါသည်။ နောင်တွင်အဆိုပါသင်တန်းကျောင်းမှ ဆင်းလာသောသူများနှင့်ဦးစီး၍ ခရိုင်တစ်ခုလျှင် မြေတိုင်းကျောင်းတစ်ကျောင်း စီဖွင့်လှစ်၍ မြေတိုင်းပညာရပ်များအား သင်ကြားပို့ချခဲ့ပါသည်။ ခရိုင်အသီးသီးရှိမြေတိုင်းကျောင်းများအား ကြေးတိုင်နှင့် မြေစာရင်းဌာန၊ လက်ထောက် ညွှန်ကြားရေးဝန် ဂျေ- စီ - ကလင်စီ မှ တိုက်ရိုက်ဦးစီးကွပ်ကဲ ခဲ့ပါသည်။ ထိုစဉ်အခါခရိုင်အသီးသီးရှိ မြေတိုင်းကျောင်းတစ်ကျောင်းလျှင် သင်တန်းသား (၃၀) ဦးလက်ခံသင်ကြားပေးရပါသည်။ ကြေးတိုင်နှင့် မြေစာရင်းဌာနတွင် လစ်လပ်သောရာထူးများ လျော့နည်းလာခဲ့သဖြင့် သတ်မှတ်ထားသော သင်တန်းသားဦးရေမပြည့်သောခရိုင်ရှိ ကျောင်း များအားဖျက်သိမ်း၍ ၁၉၂၂ ခုနှစ်ခန့်တွင် မော်လမြိုင်၊ ကျောက်ဆည်၊ ရွှေဘို၊ မင်းဘူးနှင့် ပြည်ခရိုင်(၅)ခု တွင်သာ သင်တန်းများ ဖွင့်လှစ်သင်ကြားပို့ချခဲ့ပါသည်။ ၁၉၂၇ ခုနှစ်ခန့်တွင် သင်တန်းဆရာများမပြည့်စုံခြင်းကြောင့် ကျောက်ဆည်၊ မော်လမြိုင်နှင့် မင်းဘူးခရိုင်ရှိကျောင်းများ အား ဖျက်သိမ်းသဖြင့် ပြည်နှင့် ရွှေဘိုခရိုင်(၂)ခုသာ ကျန်ရှိပါတော့သည်။ ၁၉၃၄ ခုနှစ်တွင် ပြည်ခရိုင်ရှိ ကျောင်းအားထပ်မံဖျက်သိမ်း၍ ရွှေဘိုခရိုင်ကျောင်းနှင့် ပူးပေါင်းကာအထူးမြေတိုင်း (Special Survey) အမည်ဖြင့် ရွှေဘိုတပ်မြေတွင် တစ်ကျောင်း တည်း ဖွင့်လှစ်ကာ သင်တန်းသားဦးရေ(၉၈)ဦးအား လက်ခံသင်ကြားပေးခဲ့ပါသည်။ ရွှေဘိုခရိုင်ရှိ အထူးမြေတိုင်းကျောင်းကို ခရိုင်လယ်ဝန် အဆင့်ရှိသူတစ်ဦး အား ကျောင်းအုပ်ကြီးအဖြစ်ခန့်အပ်ကာ ၁၉၄၂ ခုနှစ်အထိ ဖွင့်လှစ်ခဲ့ပါသည်။ ဒုတိယကမ္ဘာစစ်အတွင်းတွင် အဆိုပါကျောင်းအား ပိတ်ထားခဲ့ရပြီး ၁၉၄၅ ခုနှစ်တွင် ပြန်လည်ဖွင့်လှစ်ခဲ့ရာ ၁၉၄၇ ခုနှစ်အထိ ဖြစ်ပါ သည်။ ၁၉၂၃ ခုနှစ်တွင် တန်းမြင့်မြေတိုင်းသင်တန်း (Training Member Course) မှန်ပြောင်းသင်တန်းကို ရွှေဘို အထူးမြေတိုင်း ကျောင်းတွင် စတင်သင်ကြားပို့ချခဲ့ပါသည်။၁၉၄၈ ခုနှစ်တွင် (MR.W.E.BELL) ယခင် (Supdt; of Land Records) ခရိုင်လယ်ဝန်သည် အမှတ်(၁)မြေတိုင်းအဖွဲ့သို့ ပထမဆုံးမြေတိုင်းဝန်အဖြစ် အမှတ်(၁)မြေတိုင်းအဖွဲ့တွင် စတင်ဆောင်ရွက်ခဲ့ပါသည်။ ၁၉၄၈ ခုနှစ်မှ ၁၉၆၇ ခုနှစ်အထိ အခြေခံမြေတိုင်းသင်တန်း ရေးဖြေစာမေးပွဲများကို မြန်မာနိုင်ငံ စာစစ်ဘုတ်အဖွဲ့က ဦးစီးကွပ်ကဲစစ် ဆေးခဲ့ပြီး နှုတ်ဖြေနှင့် လက်တွေ့ စာမေးပွဲများကို သက်ဆိုင်ရာခရိုင်လယ်ဝန်များက စစ်ဆေးခဲ့ပါသည်။ ၁၉၆၈ ခုနှစ်မှစ၍ ယနေ့ထက်တိုင် မြေတိုင်းစာမေးပွဲများကို မြေတိုင်းဦးစီးဌာန လက်အောက်ရှိ ပြင်ဦးလွင်မြို့၊ လေ့ကျင့်သင်ကြားရေးဌာနစု၊ မြေတိုင်းကျောင်းမှ တာဝန်ယူစစ်ဆေးပေးခဲ့ပြီး မြေတိုင်းပညာရှင်များ မွေးထုတ်ပေးလျက်ရှိပါ သည်။ မြန်မာနိုင်ငံ လွတ်လပ်ရေးစတင်ရရှိသည့် အချိန်ကာလမှစတင်၍ မြန်မာနိုင်ငံမြေတိုင်းကျောင်း၊ ကျောင်းအုပ်ကြီးတာဝန် များကို ထမ်းဆောင်ခဲ့ကြသည့် ကျောင်းအုပ်ကြီးများမှာ အောက်ပါအတိုင်းဖြစ်ပါသည်။

စဉ်	အမည်	ရာထူး	တာဝန်ထမ်းဆောင်ခဲ့သည့် ခုနှစ်	မှတ်ချက်
၁.	D.E.O THACKWEL MAJOR.R.E ဦးအေးသွင်	ညွှန်ကြားရေးဝန် မြေတိုင်းဝန်ထောက်	၁၉၄၇ မှ ၁၉၄၈ ထိ ၁၉၄၇ မှ ၁၉၄၈ ထိ	ရန်ကုန် ပြင်ဦးလွင်
၂.	ဦးဘချစ် Mr.W.E BELL	ညွှန်ကြားရေးဝန် မြေတိုင်းဝန်	၁၉၄၈ မှ ၁၉၄၉ ထိ ၁၉၄၈ မှ ၁၉၄၉ ထိ	ရန်ကုန် ပြင်ဦးလွင်
၃.	Mr.W.E BELL Mr.H.K KARN	ညွှန်ကြားရေးဝန် မြေတိုင်းဝန်	၁၉၄၉ မှ ၁၉၅၃ ထိ ၁၉၄၉ မှ ၁၉၅၀ ထိ	ရန်ကုန် ပြင်ဦးလွင်
၄.	ဦးလှခင်မောင်	မြေတိုင်းဝန်	၁၉၅၀ မှ ၁၉၅၃ ထိ	ပြင်ဦးလွင်
၅.	ဦးအေးသွင်	မြေတိုင်းဝန်	၁၉၅၃ မှ ၁၉၅၆ ထိ	ပြင်ဦးလွင်
၆.	ဦးကိုကြီး	မြေတိုင်းဝန်	၁၉၅၆ မှ ၁၉၆၇ ထိ	ပြင်ဦးလွင်
၇.	ဦးသန်းညွန့်	မြေတိုင်းဝန်	၁၉၆၇ မှ ၁၉၇၃ ထိ	ပြင်ဦးလွင်
၈.	ဦးဒီအောင်ရီ	ဦးစီးဌာနမှူး	၁၉၇၃ မှ ၁၉၇၇ ထိ	ပြင်ဦးလွင်
၉.	ဦးမြသိန်း	ဦးစီးဌာနမှူး	၁၉၇၇ မှ ၁၉၈၃ ထိ	ပြင်ဦးလွင်
၁၀.	ဦးသိန်းဌေး	ဦးစီးဌာနမှူး	၁၉၈၆ မှ ၁၉၈၈ ထိ	ပြင်ဦးလွင်
၁၁.	ဦးသိန်းလွင်	ညွှန်ကြားရေးမှူး	၁၉၈၈ မှ ၁၉၉၆ ထိ	ပြင်ဦးလွင်
၁၂.	ဦးညီထူး	ညွှန်ကြားရေးမှူး	၁၉၉၆ မှ ၂၀၀၁ ထိ	ပြင်ဦးလွင်
၁၃.	ဦးစိုးသန်း	ညွှန်ကြားရေးမှူး	၂၀၀၁ မှ ၂၀၀၃ ထိ	ပြင်ဦးလွင်
၁၄.	ဦးသန်းလှိုင်	ညွှန်ကြားရေးမှူး	၂၀၀၃ မှ ၂၀၀၄ ထိ	ပြင်ဦးလွင်
၁၅.	ဦးဇော်ဝင်း	ညွှန်ကြားရေးမှူး	၂၀၀၄ မှ ၂၀၀၉ ထိ	ပြင်ဦးလွင်
၁၆.	ဦးစမ်းမောင်	ညွှန်ကြားရေးမှူး	၂၀၀၉ မှ ၂၀၁၃ ထိ	ပြင်ဦးလွင်
၁၇.	ဦးသန်းကျော်	ညွှန်ကြားရေးမှူး	၂၀၁၃ မှ ၂၀၁၆ ထိ	ပြင်ဦးလွင်
၁၈.	ဦးကျော်ဌေး	ညွှန်ကြားရေးမှူး	၂၀၁၆ မှ ယနေ့ ထိ	ပြင်ဦးလွင်

၂။ အမှတ်(၁)မြေတိုင်းဌာနစု၏ နောက်ခံသမိုင်း အမှတ် (၁) မြေတိုင်းဌာနစုအား အမှတ်(၁)မြေတိုင်းအဖွဲ့ဟူ၍ ၁၉၄၇ခုနှစ် အောက်တိုဘာလ (၁)ရက်နေ့မှစတင်၍ ဖွင့် လှစ်ခဲ့ပါသည်။ ထိုစဉ်အချိန်က ဤအဖွဲ့သည် ယာယီမျှသာဖြစ်သည်။ ဤအဖွဲ့အား ရန်ကုန်မြို့ ညွှန်ကြားရေးဝန် (D.E.O. THACKWELL Major,R.E)က အုပ်ချုပ်ခဲ့သည်။ အဆောက်အဦများမှာ ဒုတိယကမ္ဘာစစ်မဖြစ်မီ ယခင်ကိုလိုနီခေတ် မြန်မာနိုင်ငံနှင့် အိန္ဒိယနိုင်ငံအစိုးရ အုပ်ချုပ်မှုခွဲထား သော အချိန်က ပင်တစ်ခုတည်းသော ပြင်ဦးလွင်ရှိ မြေတိုင်းဌာနမှာ အိန္ဒိယအစိုးရလက်အောက်တွင် ထားရှိသော SURVEY OF INDIA စစ်မြေတိုင်းအဖွဲ့၏ အဆောက်အဦများ ဖြစ်ပါသည်။ အထက်ဖော်ပြပါ ၁၉၄၇ခုနှစ် အောက်တိုဘာလ (၁) ရက် နေ့တွင် အဆိုပါ စစ်မြေတိုင်းအဖွဲ့ SURVEY OF INDIA မှ အရာထမ်းအမှုထမ်း များနှင့် ဒုတိယကမ္ဘာစစ်မဖြစ်မီက ကြေးတိုင်နှင့်မြေစာရင်းဌာနလက်အောက်ရှိ ရွှေဘိုမြို့ အထူးမြေတိုင်း အဖွဲ့မှ အရာထမ်း၊ အမှုထမ်းများ ပါဝင်ကာ အမှတ်(၁)မြေတိုင်းအဖွဲ့အဖြစ် ဖွဲ့စည်းခဲ့ခြင်းဖြစ်ပါသည်။

ဖွဲ့စည်းပုံနှင့်ဝန်ထမ်းအင်အား

လေ့ကျင့်သင်ကြားရေးနှင့် အမှတ် (၁) မြေတိုင်းဌာနခွဲ၏ ၂ဝ၂၄ ခုနှစ်၊ အောက်တိုဘာလ (၃၁)ရက်နေ့အထိ ဖွဲစည်းပုံနှင့် ဝန်ထမ်းအင်အားမှာ အောက်ပါအတိုင်းဖြစ်ပါသည်။

ဖွဲ့စည်းပုံဇယား

ဝန်ထမ်းအင်အား

	ဖွဲ့စည်းပုံအရခွင့်ပြုအင်အား	ခန့်ထားအင်အား	လစ်လပ်အင်အား
အရာထမ်း	၁၄	၁၁	၃
အမှုထမ်း	၂၇၇	၇၈	၁၉၉
စုစုပေါင်း	၂၉၁	၈၉	၂၀၂

မူဝါဒ/ရည်မှန်းချက်

လေ့ကျင့်သင်ကြားရေးနှင့် အမှတ် (၁) မြေတိုင်းဌာနခွဲ၏ မူဝါဒ/ရည်မှန်းချက်များမှာ အောက်ပါအတိုင်းဖြစ်ပါသည်။

၁။ ခေတ်နှင့်အညီ ပေါ်ထွန်းလာသည့် မြေတိုင်းပညာရပ်များကို အချိန်နှင့်တစ်ပြေးညီ သင်ကြားပို့ချရန်၊
၂။ သင်ကြားပို့ချသည့် မြေတိုင်းပညာသည် နိုင်ငံတကာ အဆင့်အတန်းမီစေရေးကို ဦးတည်ဆောင်ရွက်ရန်၊
၃။ နိုင်ငံတော်တည်ဆောက်ရေးလုပ်ငန်းများတွင် လိုအပ်သော စီမံကိန်းမြေပုံများ တိုင်းတာရေးဆွဲပေးရန်၊

လေ့ကျင့်သင်ကြားရေးနှင့် အမှတ်(၁) မြေတိုင်းဌာနခွဲ လုပ်ငန်းဆောင်ရွက်မှုများ

လေ့ကျင့်သင်ကြားရေးနှင့် အမှတ် (၁) မြေတိုင်းဌာနခွဲ၏ လုပ်ငန်းဆောင်ရွက်မှုများ

(က) ဆောင်ရွက်ပြီးစီးခဲ့သော လုပ်ငန်းများ

၂၀၁၃-၁၄ခု၊ ဘဏ္ဍာရေးနှစ်(၂၀၁၃ခုနှစ်၊ ဧပြီလမှ ၂၀၁၄ခုနှစ်၊ မတ်လ အထိ)အတွင်း လုပ်ငန်းဆောင်ရွက်ပြီးစီးမှုတို့မှာ အောက်ပါ အတိုင်းဖြစ်ပါသည်။

(၁)လေ့ကျင့်သင်ကြားရေးဌာနစု

(၁) ၂၀၁၃-၂၀၁၄ခု၊ ပညာသင်နှစ်၊ အရာရှိမြေတိုင်းသင်တန်း အမှတ်စဉ်(၄၉)၊ တန်းမြင့်မြေတိုင်းသင်တန်း အမှတ်စဉ်
(၆၁)၊ အခြေခံမြေတိုင်းသင်တန်း အမှတ်စဉ် (၇၂)နှင့် မှန်ပြောင်းသင်တန်း အမှတ်စဉ်(၃၅)တို့အား ဖွင့်လှစ်
သင်ကြားခြင်း၊
(၂) အရာရှိ မြေတိုင်းသင်တန်း အမှတ်စဉ်(၄၉)မှ သင်တန်းသားများသည် ကွက် ကြဲကွင်း (၅) ကွင်း(ဧရိယာအားဖြင့်
၄၉၈.၉၈ ဧက) ကွက်ကြဲ တိုင်းတာခြင်း၊
(၃) တန်းမြင့် မြေတိုင်းသင်တန်း အမှတ်စဉ် (၆၁)၊ အခြေခံ မြေတိုင်းသင်တန်း အမှတ်စဉ် (၇၂)တို့မှ သင်တန်းသား
များသည် မတ္တရာမြို့နယ်နှင့် စဉ့်ကူးမြို့နယ် တို့တွင် ကွင်းမြေပုံ(၁၈)ချပ် အကျယ်အဝန်း ဧရိယာအားဖြင့်
(၇၇၆၃.၁၅ ဧက)တို့အား ကွင်းဆင်း တိုင်းတာခြင်း၊

မြေတိုင်းဘာသာရပ်များသင်ကြားပို့ချပေးခြင်း

မြေတိုင်းသင်တန်းများသို့ မြေတိုင်းဦးစီးဌာန၏သန္ဓေဝန်ထမ်းများသာမက ကြေးတိုင်နှင့်မြေစာရင်းဦးစီးဌာန၊ နေပြည် တော်စည်ပင်သာယာရေးကော်မတီ၊ ရန်ကုန်မြို့တော်စည်ပင်သာယာရေးကော်မတီ၊ မန္တလေးမြို့တော်စည်ပင် သာယာရေး ကော်မတီ၊ နယ်စပ်စည်ပင်၊ မြို့ရွာနှင့်အိုးအိမ်ဖွံ့ဖြိုးရေးဦးစီးဌာန စသည့်မြေတိုင်းတာခြင်း ဘာသာရပ်နှင့် ဆက်နွယ်မှုရှိသော ဌာနများမှ သင်တန်းသားများလည်း ဦးစီးဌာန၏ ညှိနှိုင်းစီစဉ်ပေးမှုအရတက်ရောက်ပါသည်။

မြန်မာနိုင်ငံမြေတိုင်းကျောင်း စတင်ဖွင့်လှစ်သည့် ၁၉၄၇ ခုနှစ် မှ ၂၀၁၄ ခုနှစ်၊ ဒီဇင်ဘာလကုန အထိ သင်တန်းသား စုစုပေါင်း (၁၁၉၇၀)ဦး တက်ရောက်သင်ကြားအောင်မြင်ခဲ့ပြီးဖြစ်ပါသည်။ သင်တန်းအမျိုးအစားနှင့် တက်ရောက် သင်ကြားသည့် အင်အားမှာ အောက်ပါ အတိုင်းဖြစ်ပါသည်။

စဉ်	သင်တန်းအမျိုးအစား	တက်ရောက်သည့်ဌာနများ					မှတ်ချက် (အခြားဌာနများ)
စဉ်	သင်တန်းအမျိုးအစား	မြေတိုင်း	ဆည်မြောင်း	ကြေးတိုင်	အခြား	စုစုပေါင်း	မှတ်ချက် (အခြားဌာနများ)
၁။	အရာရှိ	၁၄၂	၁	၃၄၈	၃၄	၅၂၅	မြို့/အိုး၊ နေပြည် တော်စည်ပင်၊ ရန်ကုန်စည်ပင်၊ မန္တလေးစည်ပင်၊ မြန်မာ့ရေနံလုပ် ငန်း၊ ဘ.ဓ.ရ၊ ပ.ဆ.င၊ နယ်စပ်စည်ပင်
၂။	တန်းမြင့်	-	-	၁၉၀၇	၁၉၁	၂၀၉၈
၃။	အခြေခံ	၄၄၂	၂၂	၇၆၈၂	၄၀၁	၈၅၄၇
၄။	မှန်ပြောင်း	၃၆၃	-	-	၁၈၃	၅၄၆
၅။	မွမ်းမံ	၂၅၄	-	-	-	၂၅၄
	စုစုပေါင်း	၁၂၀၁	၂၃	၉၉၃၇	၈၀၉	၁၁၉၇၀

ပို့ချသော ဘာသာရပ်များ

(၁) အရာရှိမြေတိုင်းသင်တန်းတွင် အောက်ဖော်ပြပါ ဘာသာရပ်များကို အင်္ဂလိပ်ဘာသာဖြင့် ပို့ချ ပေးပါသည်။

          ( 1) Principle of Surveying
          ( 2) Linear Measurements
          ( 3) Scale
          ( 4) Plane-Table Surveying
          ( 5) Traversing (Theodolite)
          ( 6) Cadastral Surveying
          ( 7) Measurement of Area
          ( 8) Contouring
            ( 9) Ordinary Levelling
(10) Tacheometrical Surveying
            (11) Triangulation
            (12) Topographical Surveying
            (13) Ground Control Points
(14) Astronomy for surveyors
            (15) Theory of Errors
    (16) Map Projections
            (17) Graticules of Maps
    (18) Survey computation and Adjustment
            (19) Fair Drawing
            (20) Maps origin and grid system
(21) Introductory Lectures on Aerial Survey
            (22) Introductory Lectures on Cartography
    (23) GPS Observation & Computation
            (24) Total Station & Plotting

( ၂) တန်းမြင့်မြေတိုင်းသင်တန်းတွင် အောက်ဖော်ပြပါဘာသာရပ်များကို မြန်မာဘာသာဖြင့် သင်ကြားပို့ချပေးပါသည်။

          ( ၁) မြေတိုင်းခြင်း၏ အခြေခံသဘောတရားများ
          ( ၂) အလျားတိုင်းတာခြင်းနှင့် အသုံးပြုသော မြေတိုင်းကိရိယာပစ္စည်းများ
          ( ၃) သီအိုဒိုလိုက်မှန်ပြောင်းအားကိုင်တွယ်အသုံးပြုခြင်းနှင့် ပြုပြင်ခြင်းများ
          ( ၄) ကွက်ကြဲတိုင်းတာခြင်းနှင့် တွက်ချက်မှုများဆိုင်ရာ ဘာသာရပ်
          ( ၅) မြေမျက်နှာပြင်တိုင်းတာခြင်းဘာသာရပ်
          ( ၆) ကွက်စိတ်တိုင်းတာခြင်းဘာသာရပ်
          ( ၇) ဧရိယာတွက်ချက်တိုင်းတာခြင်း
          ( ၈) နိမ့်မြင့်တိုင်းတာခြင်း
          ( ၉) မြေပုံအရိပ်ချစနစ်များ
          (၁၀) Geodetic GPS တိုင်းတာခြင်းနှင့် တွက်ချက်ခြင်း
          (၁၁) Totalstation တိုင်းတာခြင်းနှင့် ပုံထုတ်ခြင်း

( ၃) အခြေခံမြေတိုင်းသင်တန်းတွင် အောက်ဖော်ပြပါ ဘာသာရပ်များကို မြန်မာဘာသာဖြင့်သင်ကြားပို့ချပေးပါသည်။

          ( ၁) မြေတိုင်းခြင်း၏ အခြေခံသဘောတရားများ
          ( ၂) မြေတိုင်းကိရိယာများနှင့် ကိုင်တွယ်အသုံးပြုခြင်းများ
          ( ၃) စကေးအမျိုးမျိုးနှင့် မြေပုံအမျိုးမျိုးအကြောင်း
          ( ၄) ထောင့်ဖြတ်စကေးတည်ဆောက်ခြင်းနှင့် အသုံးပြုနည်းများ
          ( ၅) မြေပုံဆွဲလုပ်ငန်းအမျိုးမျိုး
          ( ၆) မြေတိုင်းသံကြိုးနှင့် တိုင်းတာခြင်းများ
          ( ၇) မြေတိုင်းခုံသက်သက်ဖြင့် မြေတိုင်းခြင်းများ
          ( ၈) တွက်ချက်ညှိနှိုင်းခြင်းအမျိုးမျိုးဆောင်ရွက်ခြင်း
          ( ၉) ကွက်စိတ်တိုင်းတာခြင်းဘာသာရပ်
          (၁၀) ဧရိယာတွက်ချက်တိုင်းတာခြင်းဘာသာရပ်များဖြစ်ပါသည်။
          (၁၁) မြေပုံအရိပ်ချစနစ်များ
          (၁၂) Hand held GPS ကိုင်တွယ်အသုံးပြုခြင်း
          (၁၃) Totalstation တိုင်းတာခြင်းနှင့် ပုံထုတ်ခြင်း

(၂) အမှတ်(၁)မြေတိုင်းဌာနစု

          (၁) ၁:၅၀,၀၀၀ စကေး UTM Revised Map များကိုအခြေခံ၍ ၁:၁၀၀,၀၀၀ နှင့် ၁:၂၅၀,၀၀၀ စကေး UTM မြေပုံ
              ချပ်အမှတ် ၁၅၉၄၊ ၁၆၉၄၊ ၁၅၉၅၊ ၁၆၉၅၊ ၁၇၉၅၊ ၁၈၉၅၊ ၁၉၉၅၊ ၂၀၉၅ တို့အားကွဲလွဲချက် များတိုက်ဆိုင်
              စစ်ဆေးခြင်း၊

          (၂) ၁:၅၀,၀၀၀ စကေး UTM များအား (Up date) Revision လုပ်ငန်းအတွက် တနင်္သာရီတိုင်းဒေသကြီးအတွင်း
              တွင် (၃၁)ချပ်၊ ချင်းပြည်နယ်နှင့် စစ်ကိုင်းတိုင်း ဒေသကြီးတို့တွင်(၅၀)ချပ်တို့အား Field Verification ကွင်း
              ဆင်းစစ်ဆေးခြင်း၊

          (၃) မြန်မာနိုင်ငံမြေတိုင်းကျောင်း၊ အခြေခံနှင့် တန်းမြင့် မြေတိုင်းသင်တန်းသားများ လက်တွေ့ကွင်းဆင်း တိုင်းတာ
               ခဲ့သော မတ္တရာမြို့နယ်နှင့် စဉ့်ကူးမြို့နယ်တို့မှ ကွင်းမြေပုံ(၁၈)ချပ်တို့အား ကွင်းနယ်နိမိတ်စပ်ခြင်း ( Kwin
               boundary Adjustment)၊ မြေပုံချောရေးဆွဲခြင်း (Fair drawing)၊ အကွက်နံပါတ်များ ရေးထိုးခြင်း
               (Numbering)နှင့် ဧရိယာတွက်ချက်ခြင်း၊

(၄) ရန်ကုန်တိုင်းဒေသကြီး၊ သီလဝါ အထူးစီးပွါးရေးဇုန် ပထမအဆင့် အကောင် အထည်ဖော်မည့် အကျယ်အဝန်း
ဧရိယာ (၃၉၆.၀၆၂ ဟက်တာ)အား တိုင်းတာ၍ နယ်နိမိတ်မှတ်တိုင်များ စိုက်ထူခြင်း၊

(၅) ပျူရှေးဟောင်းမြို့(၃)မြို့(ဗိဿနိုး၊ သရေခေတ္တရာ၊ ဟန်လင်း)၊ အကျယ်အဝန်း ဧရိယာအားဖြင့် ၃၁၁၃၃ဧကအား
ကွန်တိုခြားနားခြင်း ၁မီတာဖြင့် မြေမျက်နှာ သွင်ပြင်ပြ မြေပုံများ (Topographic Maps)တိုင်းတာရေးဆွဲခြင်း၊

(၆) နေပြည်တော် - မန္တလေး အမြန်လမ်းမကြီးတလျှောက် နိမ့်မြင့်မှတ်တိုင် (၈၀)လုံး အား တည်ဆောက်ခြင်းနှင့်
ပထမတန်းစား နိမ့်မြင့်တိုင်းတာခြင်း ( 1st Order Levelling) လုပ်ငန်းများ ဆောင်ရွက်ခြင်း။

(ခ) ရှေ့လုပ်ငန်းစဉ်များ

၂၀၁၅-၁၆ခုနှစ်၊ ဘဏ္ဍာရေးနှစ်(၂၀၁၅ခုနှစ်၊ ဧပြီလမှ ၂၀၁၆ ခုနှစ် မတ်လအထိ)အတွင်း အောက်ဖော်ပြပါ လုပ်ငန်း များအား ဆက်လက်ဆောင်ရွက်သွားမည် ဖြစ်ပါသည်။

(၁) လေ့ကျင့်သင်ကြားရေးဌာနစု

လေ့ကျင့်သင်ကြားရေးဌာနစု(မြန်မာနိုင်ငံမြေတိုင်းကျောင်း)တွင်အောက်ဖော်ပြပါမြေတိုင်းသင်တန်းများ ကိုဖွင့်လှစ် ပို့ချသွား မည်ဖြစ်ပါသည်။

စဉ်	သင်တန်း	ကာလ	ပညာအရည်အချင်း	မှတ်ချက်
၁။	အရာရှိမြေတိုင်းသင်တန်း အမှတ်စဉ် (၅၀)	၁၂ လ	ဘွဲ့တစ်ခုခုရရှိပြီးဖြစ်ရမည်။ လစာနှုန်း(၉၉၀၀၀- ၁၀၀၀- ၁၀၄၀၀၀)ရာထူးနှင့်အထက် ရာထူးနေရာများတွင် တာဝန်ထမ်းဆောင်သူဖြစ်ရမည်။
၂။	တန်းမြင့်မြေတိုင်းသင်တန်း အမှတ်စဉ် (၆၃)	၈ လ	အခြေခံမြေတိုင်းသင်တန်းအောင်မြင်ပြီးသူဖြစ်ရမည်။
၃။	အခြေခံမြေတိုင်းသင်တန်း အမှတ်စဉ်(၇၄)	၆ လ	အနည်းဆုံးအခြေခံပညာအထက်တန်းအောင်မြင်ပြီးသူ ဖြစ်ရမည်။
၄။	မှန်ပြောင်းသင်တန်း အမှတ်စဉ်(၃၆)	၂ လ	အခြေခံမြေတိုင်းသင်တန်းအောင်မြင်ပြီးသူဖြစ်ရမည်။
၅။	ဌာနတွင်းမွမ်းမံသင်တန်း	၁ လ	အခြေခံမြေတိုင်းသင်တန်းအောင်မြင်ပြီး ဌာနတွင်းဝန်ထမ်းများ ဖြစ်ရမည်။

(၂) အမှတ်(၁)မြေတိုင်းဌာနစု

          (၁) ကွင်းဆင်းဆောင်ရွက်ခြင်းလုပ်ငန်းဖြစ်သော ၁: ၅၀,၀၀၀ စကေး မြေပုံများအား ကွင်းဆင်းစစ်ဆေးခြင်း(Field
               Verification) လုပ်ငန်းအား ဘူမိပမာဏနှင့် အမှတ် (၂) မြေတိုင်းဌာနခွဲနှင့်အတူ ညွှန်ကြားရေးမှူးချုပ်ရုံး၏
               ညွှန်ကြားချက်အရပူးပေါင်းဆောင် ရွက်ခြင်းနှင့် ၁:၅၀၀၀၀ စကေး UTM မြေပုံများကို အခြေခံ၍ ၁:၁၀၀၀၀၀
               စကေးနှင့် ၁:၂၅၀၀၀၀ စကေး UTM မြေပုံများအားတိုက်ဆိုင်စစ်ဆေးခြင်း လုပ်ငန်းကို မြေပုံထုတ်လုပ်ရေး
               ဌာနခွဲနှင့် ပူးပေါင်းဆောင်ရွက်ခြင်း၊

(၂) အခြားစီမံကိန်းမြေပုံများတိုင်းတာခြင်း၊ လယ်ယာမြေတိုင်းတာခြင်း၊ မြို့မြေ တိုင်းတာခြင်း တို့အားလည်း လုပ်ငန်း
ပေါ်ပေါက်မှုအရဆောင်ရွက်ခြင်း။

အသုံးပြုသည့် စက်ကိရိယာများနှင့် software များ

လေ့ကျင့်သင်ကြားရေးနှင့် အမှတ်(၁)မြေတိုင်းဌာနခွဲတွင် အသုံးပြုသော စက်ကိရိယာများ

လေ့ကျင့်သင်ကြားရေးနှင့် အမှတ် (၁) မြေတိုင်းဌာနခွဲ တွင်အသုံးပြုသည့် စက်ကိရိယာများမှာ အောက်ပါအတိုင်း ဖြစ်ပါသည်။

          (၁) T-2 (Micrometer type theodolite)
          (၂) Kern Auto level
          (၃) Nikkon NiVo 1C Totation
          (၄) Trimble M-3 Total station
          (၅) Trimble 5800/R-8 Geodetic GPS Receiver

လေ့ကျင့်သင်ကြားရေးနှင့် အမှတ်(၁) မြေတိုင်းဌာနခွဲ

ဌာနခွဲများ

လေ့ကျင့်သင်ကြားရေးနှင့် အမှတ် (၁) မြေတိုင်းဌာနခွဲ၏ လုပ်ငန်းဆောင်ရွက်မှုများ

(က) ဆောင်ရွက်ပြီးစီးခဲ့သော လုပ်ငန်းများ

(၁)လေ့ကျင့်သင်ကြားရေးဌာနစု

မြေတိုင်းဘာသာရပ်များသင်ကြားပို့ချပေးခြင်း

ပို့ချသော ဘာသာရပ်များ

(၂) အမှတ်(၁)မြေတိုင်းဌာနစု

(ခ) ရှေ့လုပ်ငန်းစဉ်များ

(၁) လေ့ကျင့်သင်ကြားရေးဌာနစု

(၂) အမှတ်(၁)မြေတိုင်းဌာနစု

လေ့ကျင့်သင်ကြားရေးနှင့် အမှတ်(၁)မြေတိုင်းဌာနခွဲတွင် အသုံးပြုသော စက်ကိရိယာများ

မှတ်တမ်းဓါတ်ပုံများ